Ante unha situación de crise complexa como a que estamos a vivir, o principio que debe rexer as decisións políticas é o de garantir os dereitos humanos das persoas por enriba dos mercados. Estamos asistindo, en troques, a iniciativas que impactan directamente sobre as políticas sociais e de redución da pobreza e non sobre as persoas que causaron a crise.
 
Non se cuestiona a necesidade de establecer un acordo obrigatorio sobre a estabilidade orzamentaria no medio e largo prazo, cuestiónanse as formas e o canle utilizado, que novamente responde ós intereses dos mercados e non aos das persoas máis afectadas pola crise.
 
A sociedade civil española ten deixado ben claras as súas demandas e esixe un diálogo político que derive en medidas que sitúen ás persoas e as súas necesidades no centro.
 
Por todo isto, xunto ao resto de organizacións sociais asinantes, acordamos:
 
- Participar en manifestacións que sexan convocadas para tal fin.
 
- Apoiar mobilizacións e iniciativas que se convoquen en contra da reforma da Constitución.