O atraso no fallo inqueda aos opositores, entre os que hai varios desempregados e interinos, e provocou unha airada reacción do PSDEG, que a través do deputado José Manuel Lage emprazou ao presidente Núñez Feijoo a «porlle freo ao caos» que ao seu xuízo impera nas oposicións das Xunta.
 
O PSDEG rexistrou unha interpelación no Parlamento para pór en evidencia as «graves irregularidades» no proceso selectivo do corpo superior da Xunta publicado en maio do 2008, aínda co anterior Goberno bipartito, e a que aclare os motivos que levaron á Administración autonómica «a ter incumprido de xeito grave a lexislación vixente en materia de función pública». O portavoz da área institucional dos socialistas apunta, así mesmo, que o incumprimento legal dos prazos é dobre. Pasouse o tope de tres anos para pechar a OPE (oferta pública de emprego), pero tamén se superou de forma flagrante o prazo de 9 meses para resolver un concurso-oposición desde a súa convocatoria, que neste caso foi o 30 de xullo do 2008.
 
O PSDEG emprazou a Feijoo a resolver xa este asunto, pois recordou que entre os aspirantes hai persoas «que están a piques de esgotar a prestación por desemprego e outras persoas subsisten con axuda dá familia».

Xornais