Por cada xunta de goberno os deputados percibirán 370 euros e non poderán recadar por máis de dúas sesións ao mes, é dicir, un máximo de 740 euros cada 31 días. Este órgano de goberno está formado por dez deputados, do PP, dos que algúns teñen dedicación exclusiva, polo que non cobrarán.
 
Os representantes dos tres partidos que acudan ás comisións informativas embolsaranse tamén 370 euros por reunión cun tope de catro ao mes, ou sexa, 1.480 euros. Son oito as comisións que fixou o novo Goberno provincial, unha menos que no anterior mandato, e responden ás seguintes materias: Economía, Facenda e Especial de Contas; Benestar Social, Políticas de Igualdade de Xénero e Normalización Lingüística; Promoción Económica, Emprego, Medio e Turismo; Cooperación e Asistencia a Concellos; Persoal e Réxime Interior; Contratación, Patrimonio e Equipamentos; Infraestruturas viarias e Cultura, Educación, Deporte e Xuventude.
 
Estas tres cantidades mantéñense con respecto ao establecido polo anterior Goberno provincial.

A Opinion