Na misiva dirixida ao presidente do goberno do estado indican literalmente que «Os salarios deben manter unha senda de moderación no seu crecemento, como o establecido no actual acordo de negociación colectiva, cunha extensión a un período temporal máis amplo, pero o esforzo será baldío e contraproducente se non está acompañado dun compromiso firme de contención dos beneficios empresariais e un esforzo adicional de investimento dos excedentes obtidos para ampliar e mellorar o tecido produtivo español», aseguran.
 
O acordo de moderación salarial só favorece o incremento dos beneficios empresariais e o empobrecemento dos traballadores e traballadoras.
 
Unha rendición en toda regra, a crise, definitivamente ímola pagar os traballadores e traballadoras ou alguén se cre que o capital, a patronal cumpriría, no mellor dos casos, as condicións expostas na dita carta?.
 
Queren xustificar a súa sumisión cunha mínima reclamación que saben as claras non se vai cumprir aínda que se asine.
 
Está clarísimo, Toxo e Méndez garanten, coas súas políticas,  o pacto social, en definitiva que a crise a imos pagar os traballadores/as. Ambos os dous teñen claro que a man que lles dá de comer a través dos Presupostos Xenerais do Estado e outras vías, non se morde, aínda que isto se leve por diante a defensa dos intereses económicos, laborais,  sociais... dos traballadores e traballadoras.
 
Son os cómplices necesarios e corresponsables dunha situación que cada día afoga máis á clase traballadora.