A Inspección de Traballo en Galicia impuxo multas por un valor de 14,3 millóns de euros ás empresas galegas polas 5.475 infraccións detectadas en 2010.
 
Segundo estes datos, a maioría das sancións foron impostas por infraccións relacionadas coa Seguridade Social, que coparon máis do 60 por cento, con 3.308 infraccións sancionadas e un valor de 4,2 millóns de euros.
 
Traballo multou as empresas por un valor de 4,9 millóns de euros tras detectar 1.062 infraccións contra a Seguridade e a Saúde Laboral, mentres que polas 554 sancións impostas por infrinxir as Relacións Laborais impuxo multas por valor de 2,1 millóns de euros.
 
Dos 5.475 expedientes abertos en 2010, xa se resolveron en primeira instancia 1.329, un 24,2 por cento.
 
O volume das infraccións detectadas fan imprescindible o aumento de inspectores de traballo e a mellora dos medios técnicos cos que desenvolven o seu labor, e a reclamación á Xunta da posta en marcha dunha Unidade de Recadación Executiva para facer efectivo o cobramento das sancións, entre outras medidas.
 
Ademais, segundo os datos en 2010 perdéronse 1.783.070 xornadas de traballo por accidente con baixa.
 
Os datos do primeiro trimestre de 2011, no que se detectaron 1.364 infraccións, indica que a tendencia se mantén.
 
Tanto en 2010 coma no primeiro trimestre deste ano A Coruña é a provincia na que máis infraccións se detectaron.