O Concello da Coruña librou "ilegalmente" a parcela de Espazo Coruña, terreos que así multiplican o seu valor de mercado. O beneficiario deste presunto pelotazo é o presidente da patronal galega, Antonio Fontela.
 
Esta é a denuncia que o BNG herculino lanzou hoxe contra o goberno de Carlos Negreira (PP). Os nacionalistas explican que o cambio urbanístico viola "radicalmente" a normativa en vigor.
 
De acordo a súa versión, os terreos de Fontela están nunha zona, Someso, na que quedan pendentes por abonar 1,8 millóns en concepto de obras de urbanización. Até que se abonen estes cargos, as fincas desa zona só se poden vender tendo en conta o non abonado á Administración. Espazo Coruña, propiedade de Construciones Fontela, debería abonar máis do 21% dos 1,8 millóns pendentes, máis de 370.000 euros.
 
Polo de agora nin o Concello da Coruña nin o presidente da Confederación de Empresarios de Galicia fixeron público a súa versión.
 
Xa o dixemos noutra ocasión, mentres que para festas e para os “amigos” non hai falta de liquidez para as accións sociais e para actuacións que favorezan o emprego din que non hai un can, non é de estrañar con estes dispendios.