Adeus ao Ano Internacional da Xuventude
Chegou á súa fin o Ano Internacional da Xuventude proclamado pola ONU, que pasou sen pena nin gloria: non vimos grandes diferenzas nas políticas públicas de xuventude. Unha oportunidade perdida que dende o Consello da Xuventude de España lamentamos profundamente.
A xuventude sofre os maiores índices de paro, de precariedade laboral, así como grandes dificultades de emancipación, entre outros moitos aspectos, e, non obstante, somos a xeración máis formada da historia. Para nós a crise non é unha escusa pois a nosa crise é permanente, cada ano vemos minguar as nosas oportunidades de futuro. Os partidos políticos deben mostrar o seu compromiso nas próximas xerais, máis alá de anos internacionais. Deben tomarse medidas para que a xuventude comece a ver solucións onde só hai promesas.

As 'benditas' cifras da visita do papa
Para conseguir propaganda gratis e subvencións, primeiro falaron de que virían a Madrid tres millóns de mozos peregrinos. Despois, rebaixárono a dous. Despois, a un millón. Agora resulta que son só medio millón. Cabe maior fracaso antes de empezar ou maior mentira interesada? Teranse arrepentido de tanto embuste ou temen que o reconto os deixe en ridículo?
Agora teñen o valor de afirmar que non hai financiamento público, que vai ser un negocio, que a chegada do papa vai crear emprego... e aínda hai crédulos que o tragan.

Xubilacións para banqueiros e para asalariados
É indignante que os responsables da crise (os banqueiros cos seus estratosféricos soldos e prexubilacións, as multinacionais, os gobernantes que malgastaron, etc.) esixan agora que se recorten as pensións dos sufridos traballadores e que se lles aumenten os anos en activo. Por que non se buscan opcións máis imaxinativas? por que non cotizan un pouquiño máis, cun aumento gradual, os que máis teñen?
Que sigan traballando quen queiran, os que se encontren en condicións para facelo, pero que non nos impoñan ao resto alongar os anos de traballo, sobre todo tendo en conta as dramáticas cifras do paro xuvenil.
As persoas que se xubilan con saúde poden viaxar e realizar actividades de ocio. Xeran riqueza e postos de traballo. Quen queira unha pensión algo maior de forma voluntaria, que cotice máis. E o principal: non sigan malgastando