Os departamentos de Estudos de Grao e Posgrao e Persoal Docente e Investigador, quedan integrados no de Titulacións e Persoal Docente e Investigador.
 
Os dous departamentos unificados correspóndense, por unha banda, coas antigas Vicerreitorías de Estudos de Grao e Posgrao e a de Persoal Docente e Investigador, que quedan integradas nunha denominada de Titulacións e Persoal Docente e Investigador; e por outro, unificaranse as de Extensión Universitaria, Cultura e Sociedade e a de Estudantes e Formación Continua, nunha única de Estudantes, Cultura e Formación Continua.
 
Ademais, crearase a Vicerrectoría de Relacións Exteriores e Internacionalización, que asumirá as relacións da USC con outras institucións, e que estará dirixida polo catedrático de Filoloxía Alemá, Víctor Millet Schröeder.
 
Segundo sinalou o reitor, Juan Casares, esta modificación débese "a que a USC quere predicar co exemplo nestes momentos de tanta necesidade dunha política de redución do gasto" e a "as dimisións de María Isabel González Rei como vicerreitora adxunta para estudos de Grao e Posgrao en Lugo; e á de Javier Garbayo Montabes como vicerreitor de Extensión Universitaria, Cultura e Sociedade".
 
Desta maneira, Francisco Ramón Durán Vila, até agora vicerreitor de Estudantes e Formación Continua, pasa a encargarse da nova Vicerreitoría de Estudantes; e Carmen Fernández Morante, responsábel até agora da Vicerreitoría de Persoal Docente e Investigador, mantense no cargo coas novas responsabilidades engadidas tras a fusión.