Os 448.304 xubilados galegos son os que contan coas pensións máis baixas de todo o Estado, seguidos dos estremeños, que cobraron en xullo unha media de 769,28 euros, lonxe de subsidios como os dos vascos, que se elevaron a 1.137 euros, os dos asturianos, con 1.129 euros, ou os dos madrileños, con 1.097 euros.
 
Ademais, por provincias, son as de Ourense e Lugo as que contan cunhas pensións de xubilación máis baixas, con medias de 641,40 e 661,83 euros respectivamente, mentres que as dos pensionistas coruñeses alcanzan de media os 801,90 euros e as dos pontevedreses os 805,51 euros.
 
No conxunto da comunidade perciben subsidios 448.304 xubilados, dos cales 167.758 residen na provincia da Coruña; 133.569 na de Pontevedra; 77.442 na de Lugo e 69.535 na de Ourense.
 
SISTEMA DE PENSIÓNS
 
A pensión media do sistema, que comprende as distintas clases de pensión (xubilación, incapacidade permanente, viuvez, orfandade e a favor de familiares), situouse ao iniciarse este mes en Galicia en 674,91 euros, tras un aumento do 3,4 por cento no último ano, fronte á alza interanual do 3,3 por cento que elevou a media no conxunto do Estado a 805,77 euros mensuais.
 
En concreto, en Galicia perciben algunha destas pensións 728.107 persoas, o que supón un 8,3 por cento do total nacional. En concreto, 70.000 persoas perciben unha axuda por incapacidade permanente, cuxa media é de 757.15 euros; e 183.935 reciben unha axuda de viuvez, cunha media de 493.68 euros.
 
Ademais das 448.304 xubilacións que se abonan en Galicia, 20.226 persoas perciben axudas por orfandade, cunha media de 354,96 euros; e 5.642 persoas benefícianse das pensións a favor de familiares, que contan cunha media de 434,4 euros.
 
POR COMUNIDADES AUTÓNOMAS
 
Por comunidades autónomas, oito delas superaron en xullo a pensión media nacional, establecida en 805,77 euros ao mes. País Vasco, Asturias e Madrid rexistraron as pensións medias máis elevadas, con 996,61 euros, 959,66 euros e 954,42 euros mensuais, respectivamente.
 
Seguíronlles Navarra (911,91 euros mensuais), Ceuta (852,78 euros), Cantabria (837,86 euros), Aragón (835,07 euros), Cataluña (838,93 euros), Melilla (786,94 euros), Castela e León (783,31 euros), A Rioxa (770,73 euros), Canarias (755,99 euros), Castela-A Mancha (751,90 euros), Comunidade Valenciana (739,62 euros), Andalucía (737,44 euros) e Baleares (734,87 euros).
 
Pechan a táboa, coas pensións menos cuantiosas, Murcia, cunha pensión media de 710,08 euros mensuais; Estremadura, con 684,55 euros, e Galicia, con 674,91 euros ao mes.
 
DATOS ESTATAIS
 
En xullo, a Seguridade Social destinou 7.100,8 millóns de euros ao pago das pensións contributivas, un 4,9% máis que no mesmo mes de 2010.
 
Pola súa banda, a pensión media de viuvez situouse en xullo en 586,73 euros mensuais, un 2,6% máis, mentres que a de incapacidade permanente alcanzou unha contía media de 870,48 euros mensuais, cun incremento do 2,3%.
 
Así mesmo, a pensión media de orfandade ascendeu a 359,54 euros mensuais, un 2,5% máis que en xullo de 2010, mentres que a de favor de familiares situouse en 472,65 euros ao mes, cun repunte do 2,8%, unha décima menos que o mes pasado.
 
No sétimo mes do ano, o número de pensións contributivas da Seguridade Social alcanzou a cifra de 8.812.560, o que representa un crecemento do 1,6% respecto ao mesmo mes do ano anterior.
 
Desta cantidade, 5.250.797 pensións foron de xubilación (+2,1%), 2.310.329 de viuvez (+0,9%), 940.096 de incapacidade permanente (+0,5%), 273.317 de orfandade (+1,5%) e 38.021 de favor de familiares (+0,8%).
 
Para abonar estas prestacións, a Seguridade Social destinou un total de 7.100,86 millóns de euros (+4,9%), dos que 4.810 millóns corresponderon á nómina mensual das pensións de xubilación (+5,7%); 1.355 millóns a pensións de viuvez (+3,4%); 818,3 millóns a incapacidade permanente (+2,8%); 98,2 millóns a orfandade (+4%); e 17,9 millóns a favor de familiares (+3,6%).
 
A pensión media de xubilación situouse en xullo en 916,19 euros mensuais, un 3,5% máis
 
A pensión media de xubilación alcanzou en xullo os 916,19 euros mensuais, o que supón un 3,5% máis respecto ao mesmo mes de 2010, segundo datos feitos públicos este martes polo Ministerio de Traballo e Inmigración.
 
A pensión media do sistema, que comprende as distintas clases de pensión (xubilación, incapacidade permanente, viuvez, orfandade e a favor de familiares), situouse ao iniciarse este mes en 805,77 euros mensuais, o que supón un aumento interanual do 3,3%.
 
En xullo, a Seguridade Social destinou 7.100,8 millóns de euros ao pago das pensións contributivas, un 4,9% máis que no mesmo mes de 2010.
 
Pola súa banda, a pensión media de viuvez situouse en xullo en 586,73 euros mensuais, un 2,6% máis, mentres que a de incapacidade permanente alcanzou unha contía media de 870,48 euros mensuais, cun incremento do 2,3%.
 
Así mesmo, a pensión media de orfandade ascendeu a 359,54 euros mensuais, un 2,5% máis que en xullo de 2010, mentres que a de favor de familiares situouse en 472,65 euros ao mes, cun repunte do 2,8%, unha décima menos que o mes pasado.
 
No sétimo mes do ano, o número de pensións contributivas da Seguridade Social alcanzou a cifra de 8.812.560, o que representa un crecemento do 1,6% respecto ao mesmo mes do ano anterior.
 
Desta cantidade, 5.250.797 pensións foron de xubilación (+2,1%), 2.310.329 de viuvez (+0,9%), 940.096 de incapacidade permanente (+0,5%), 273.317 de orfandade (+1,5%) e 38.021 de favor de familiares (+0,8%).
 
Para abonar estas prestacións, a Seguridade Social destinou un total de 7.100,86 millóns de euros (+4,9%), dos que 4.810 millóns corresponderon á nómina mensual das pensións de xubilación (+5,7%); 1.355 millóns a pensións de viuvez (+3,4%); 818,3 millóns a incapacidade permanente (+2,8%); 98,2 millóns a orfandade (+4%); e 17,9 millóns a favor de familiares (+3,6%).