1.- A Medida de implantarse de novo (xa tiveron unha moratoria entre 2007 e 2009) sería claramente discriminatoria, xa que se aplicaría de forma exclusiva aos cidadáns de Romenia entre tod@s as persoas residentes no Estado español procedentes de países da Unión Europea.
 
2.- A Medida inscríbise nun marco de limitación forte dos dereitos das persoas migrantes que estamos a denunciar dende o Foro dende hai varios anos, basándose nunha situación de crise económica que fomenta os discursos xenófobos e as medidas racista como ésta de hoxe. Sería unha medida máis nesa liña que se xustifica por outra banda só no número de persoas desa nacionalidade residentes en España (sobre 800.000, algo máis de 8.000 en Galiza).. Non hai moito tempo falábamos da terrible discriminación que supoñía para a Europa da Democracia, a expulsión de Francia de persoas de etnia xitana da UE, só por ser xitan@s; agora asístimos atónitos tamén, realizada neste caso por parte do goberno español, á limitación ao dereito ao traballo para persoas de nacionalidade rumana, só polo feito ser ruman@s.
 
3.- Ademáis esta Medida resultará de difícil artellamento práctico xa que non pode afectar, alomenos así parece, as persoas xa residentes e traballadoras en España neste momento e con bastantes anos de residencia aquí. Por outra banda, como éstas persoas van ter dereito a residir e non a traballar parece que a propia Administración pretende estimular procesos de exclusión social ao impedir as persoas obter medios de vida propios: a obtención dunha autorización de traballo esíxe un proceso burocrático que pode durar varios meses e que vai imposibilitar na práctica as opcións laborais dest@s cidadáns da Unión Europea.