Como xa vos informamos o persoal da Consellería de Educación xa non terá a matrícula gratuíta, nin para os docentes directamente nin para os seus fillos e fillas.
 
Ese orzamento tivo o voto favorable de todos os presentes menos do representante da CUT. Non habería na sesión ninguén de outros sindicatos?, debeu ser que non porque hoxe, os traballadores dos sindicatos maioritarios que forman parte dese sector afectado (lease os que dependen da Consellería de Educación) claman ao ceo e incluso algún chega a postular medidas de presión se esa situación, agora que é a época de matrícula, se fai efectiva.
 
Por moito que agora se diga que é a Consellería quen debe facer fronte a esa partida orzamentaria, iso tíñase que reclamar, negociar no momento de aprobárense os orzamentos das universidades onde se contemplaba esa redución, non agardar aos feitos consumados.
 
Esta situación pon de manifesto, unha vez máis, a descoordinación existente dentro dos sindicatos tradicionais e unha verdade que clama ao ceo “cada un chora por onde lle doe”.