O borrador do Estatuto  rexeitouse pola práctica totalidade da comunidade educativa pois supón unha perda de dereitos do profesorado e un ataque frontal ás universidades públicas con políticas de axuste.
 
O documento do Estatuto do Persoal Docente e Investigador (PDI) aprobado tras a reunión do Ministerio coa Conferencia de Reitores das Universidades Españolas (CRUE) no Consello de Universidades prégase ás imposicións de poderosos grupos de presión académicos e financeiros, empeorando as condicións laborais do persoal docente.
 
A desregulación crea profesores de primeira e de segunda, xa que será cada universidade a que decida que docentes poden dedicarse á investigación e cales, non.
 
As modificacións realizadas no texto do Estatuto, tal como aparecen no último borrador enviado o 25 de maio, non foron comunicadas, nin explicadas, nin negociadas na Mesa Sectorial, segundo os sindicatos.