A entidade organizará o 30 de xullo unha nova edición do Seminario Internacional pola Abolición da Tauromaquia. O presidente da plataforma, Rubén Pérez, tamén convocou onte unha concentración para o 6 de agosto en repulsa polo financiamento público da feira taurina.
 
O seminario, do que este ano se celebrará a cuarta edición, consistirá nunha conferencia sobre o traballo de Galicia, Mellor sen Touradas, dende a súa creación hai tres anos, e nunha mesa redonda na que participarán Xoán Antón Pérez Lema, avogado e exsecretario xeral de Relacións Institucionais, e Teresa Moure, catedrática de Lingüística da Universidade de Santiago e escritora. O acto, segundo a entidade, pretende reforzar os argumentos de que a tauromaquia non ten pervivencia en Galicia se non é con apoio económico do sector público. 
 
La Opinión