Aínda así e, a pesar de supor case sete millóns para as arcas públicas, distintos membros da xudicatura consultados por Xornal coinciden en criticar que isto supón unha “cantidade ínfima” en comparación con outros funcionarios, como os inspectores de Facenda, para os que estas retribucións “poden supor até o 30% do seu salario”.
 
A Lei Orgánica do Poder Xudicial, no artigo 403.4, recoñece aos membros da carreira xudicial o dereito a percibir diñeiro por obxectivos vinculados ao seu rendemento.
 
O acordo co ministerio, destaca que os xuíces, “demostraron un nivel de compromiso e dedicación na súa actividade diaria, como consecuencia do proceso de modernización da Xustiza –en referencia á implantación da nova oficina xudicial–, que xustifica este acordo”.
 
De todos os xeitos todos incrementarán os seus salarios. Os de máis baixo rendemento repartiranse arredor do 13% do monto total do presupostado.
 
O acordo foi asinado pola Asociación Profesional da Magistratura, Xuíces para a Democracia e a asociación Francisco de Vitoria, pero non polo Foro Xudicial Independente, que se opón ao “concepto da produtividade dos xuíces segundo o número de sentenzas que diten, porque se prima o número e non a calidade da Xustiza”. A pesar da firma deste acordo, as negociacións entre o Ministerio e o resto de asociacións para cambiar a estrutura das retribucións dos xuíces están rotas.