1.- Informe do Reitor:

Reitor

Recibíronse 108.000 € da Convocatoria de Fortalecemento do Campus Internacional.
Memoria de responsabilidade social universitaria.- Presentada polo Consello de Social pero realizada pola propia institución. Pódese consultar na páxina web da UDC.
 
Vicerreitora de Investigación: Todas as subvencións solicitadas para proxectos de investigación foron concedidas.
Biblioteca: houbo unha reunión do Consello de Goberno de BUGalicia, como é sabido, as universidades públicas galegas comprometéronse a aportar a mesma cantidade que o ano anterior. A Xunta aínda non concretou a súa aportación pero asináronse convenios bilaterais entre BUGalicia e cada unha das universidades o que permite a transferencia de fondos.
 
Xerente: Informa de que se realizou unha reunión da Comisión de AA.EE. para tratar, esencialmente asuntos de trámite.
O día 23 de xuño constituíuse a Comisión Negociadora do IV Convenio Colectivo.
Tamén informa de que se remataron todos os procesos selectivos da área de conserxería. A mediados deste mes asinaranse os contratos e faranse as tomas de posesión.
 
Vicerreitor do Campus de Ferrol informa da entrega dos premios emprendedores.
 
Vicerreitor de Profesorado: informa de que o PDI laboral cobrará os seus atrasos no mes de xullo. (Segundo se nos indicou una Comisión delegada de Asuntos Económicos, terán un gravame do 20% polo retraso no seu abono, penalización que será pagada con cartos do Capítulo I do orzamento. Neste caso non importa, faltaría máis).
Un cambio de dedicación aprobado no Consello de Goberno anterior non correspondía polo que se mantén a dedicación anterior.
 
Vicerreitor de Infraestruturas: Informa que se están a realizar obras por un importe total de 6.800.000€, esta cantidade contempla todas as fases nas que están neste momento, algunhas están en fase de proxecto, outras en fase de licitación e outras en fase de execución.
As obras abarcan desde as necesarias para adaptación dos centros ao EEES até adaptacións de centros ao Código Técnico de Edificación, cubertas…
 
2.- Lectura e aprobación da Acta: Casteleiro pide se rectifique a expresión “gratuitamente” cando se refire ás súas palabras e pide, tamén, que quede constancia do seu cabreo.
 
Apróbanse o restos de puntos da orde do día até o punto.
 
10.- prazas de profesorado.
Xosé Portela: quere que quede constancia que se crean prazas substituíndo ao profesorado que se xubila cando no anterior Consello de Goberno o Vicerreitor, na súa xustificación para o cambio de dedicación falaba de aforrar mediante a súa amortización.
Vicerreitor; di que o que adquiriu foi o compromiso de amortizar o 50% das xubilacións que se produzan.
Xosé Portela. Controlarémolo.
 
Apróbase o punto 11
 
 12.-  (máis cambios de dedicación) Neste caso para diminuír a dedicación. Informa, o Vicerreitor que no vindeiro Claustro traerá máis cambios de dedicación, nese caso prazas a tempo parcial que pasarán a tempo completo.
Aproveitou o Vicerreitor para indicar que, consultado o servizo xurídico, chegouse á conclusión de que, sempre que o Consello de Goberno o aprobase os cambios de dedicación eran legais. Tamén, a Mesa Sindical, encargada da interpretación do Convenio entende que son legais sempre que conten coa súa anuencia.
Manuela indica todos os contratos teñen dúas modalidades, a tempo parcial e a tempo completo, cando se produce un cambio de dedicación hai un cambio de contrato polo tanto segue a entender que é de dubidosa legalidade e que compromete os principios de igualdade, capacidade e mérito porque con outra dedicación podía ser a praza de interese para outras persoas.
O cambio de contrato prodúcese coa ampliación da dedicación ou coa súa diminución.
O Vicerreitor di que trae o resultado da consulta sen máis.
O Secretario Xeral pide explicación sobre os fundamentos da reclamación.
Manuela, xa llos indiquei.
 
13.- Apróbase.
 
14.- Programa de Promoción do PDI Acreditado.
Vicerreitor de Profesorado: desde o ano 2008 no que se aprobou a promoción de profesores que se acrediten como catedráticos procédese anualmente á promoción dun máximo de dous por ámbito do coñecemento. Tamén se fai o mesmo cos axudantes a titulares.
Ninguén ten problemas en que se promocionen. Faltan as promocións do PAS Laboral.
 
Puntos 15 e 16 por dimisión de todos os candidatos pospóñense as votacións.
 
17.- O borrador de reforma do Regulamento Electoral ven ao Consello de xeito informativo. Dáse un tempo prudencial (15 días) para que os compoñentes do Consello de Goberno fagan as aportacións que crean convenientes.
 
18 apróbase.
 
19 Aprobación da proposta de modificación do Regulamento de réxime interno da Facultade de Económicas e Empresariais.
 
Reitor:  a proposta ven avalada pola revisión feita nos servizos xurídicos da universidade, modificáronse varios artigos porque non superaron a primeira revisión.
Xosé Portela: no artigo Art. 21.3 pon:
"A persoa titular do Decanato será elixida pola maioría absoluta dos votos válidos emitidos pola Xunta de Facultade en primeira volta e, de ser o caso, por maioría simple en segunda volta"
A maioría absoluta do órgano é a metade máis un dos membros que o compoñen, estase a converter unha maioría relativa denominándoa como maioría absoluta.
Reitor, cada centro ten a autonomía para regular ao seu antollo, dinlle que non. Di despois que enton é que se aplicou o mesmo regulamento que para a elección de reitor que non é por maioría absoluta.
Xosé Portela Insisto en que a redacción do artigo chirría.
Alguén desde a sala: No regulamento electoral xeral establécese que nas eleccións de decano ou director:
Artigo 37. Proclamación de decano ou director de centro
1. Será proclamado decano ou director de centro aquela persoa candidata que en primeira volta obtiver o voto da maioría absoluta dos membros da xunta.