A partir de agora De la Vega pasará de ingresar 73.486 euros brutos anuais a alcanzar os 142.367. Esta substancial mellora nas retribucións da ex política é consecuencia de que durante dous anos percibirá dous soldos: 83.578 euros como membro do Consello de Estado e o 80% do seu salario como vicepresidente do Goberno, como indemnización por cesar no cargo (58.789 euros). En termos comparativos, a retirada da política proporcionará a De la Vega 18 veces a pensión mínima, que é actualmente de 7.744 euros.
 
Prorrateando as pagas extraordinarias a 12 meses, a política socialdemócrata ingresará 11.803 euros mensuais, mentres que os que reciben a pensión mínima só alcanzan os 645 euros.
 
Ademais, de cara ao futuro, a ex vicepresidente conseguiu, mediante o seu novo cargo no Consello de Estado, que o seu soldo sexa, para o resto da súa vida, 10 veces superior ao dos que cobran a pensión mínima no Estado español e máis do dobre dos que cobran o máximo establecido pola lei.
 
De la Vega foi vicepresidente do primeiro Executivo da historia da democracia que baixou o soldo aos traballadores/as da Administración. Estas medidas económicas non só supuxeron recortes salariais para os empregados públicos senón que tamén implicaron a conxelación das pensións.