Por outra parte, o informe revela que o aumento do prezo dos alimentos preocupa a sete de cada dez españois, mentres que no resto de países a proporción é de seis por cada dez. En países en desenvolvemento como Tanzania e Kenya, unha de cada dous persoas afirma que non ten suficiente para comer a diario, mentres que a proporción é do 6% nos países desenvolvidos como o Reino Unido, Alemaña, Australia ou EUA e do 5% en España.
 
A escala global o 43% das persoas sinalou como maior preocupación que os alimentos sexan nutritivos e saudables. Non obstante, nos países máis pobres a maior preocupación é o acceso aos alimentos: para o 57% dos enquisados en Kenya e o 45% dos de Tanzania.
 
A directora xeral de Intermón Oxfam, Ariane Arpa afirmou onte que "unha gran cantidade de persoas, especialmente nos países máis pobres do mundo, están a reducir a cantidade ou a calidade dos alimentos que consumen polo aumento do prezo.
 
Por esta razón, a responsable desta ONG detalla que "os líderes mundiais, especialmente os do G20, deben actuar agora para arranxar o sistema alimentario, que non funciona; regular os mercados de materias primas; reformar as políticas de biocombustibles para manter os prezos dos alimentos baixo control e investir nos pequenos produtores nos países máis pobres e axudalos a adaptarse ao clima cambiante".