Aínda así disentimos cos cálculos interesados do Banco de España. Os traballadores coa aplicación de alongar a vida laboral ata os 67 anos perdemos aproximadamente un 10% e subindo de 15 a 25 anos para o cálculo da pensión pérdese outro 10% a razón de 1% cada ano, é dicir con este "grande acordo", os traballadores perderemos ao redor dun 20% respecto da situación actual. O obxectivo é que a maioría dos traballadores cobren unha pensión pública mínima de subsistencia, xa que do mercado de traballo se entra e se sae continuamente polas facilidades que se lles concederon aos empresarios para despedir. Pero aínda hai máis, o chamado factor de sostibilidade significa que a partir de 2027 cada 5 anos se revisará a actual reforma, para no caso de que non lles saian as contas volver incrementar anos e reducir as prestacións. E todo a cambio de nada.
 
Fronte ao, no seu momento asinado e agora en tramitación, entendemos que a única receita que fará posible a sostibilidade deste sistema de pensións pasa pola creación de emprego de calidade, con mellores salarios que permitan mellores cotizacións e cunha política fiscal que obrigue a pagar máis aos que máis teñen, que son os responsables sinalados da crise.