O único obxectivo da "urxencia" á hora de tramitar esta lei é que Galicia se converta "na primeira comunidade" en impulsar unha norma deste tipo.
 
Segundo o PSOE, a única novidade real que incorpora a normativa é que, cando se supere a previsión de crecemento económico do 2,5 por cento, os recursos sobrantes deberán ser destinados a reducir a débeda autonómica. Dificilmente Galicia alcanzará esta porcentaxe de crecemento no que queda de lexislatura, polo que a súa incidencia será "cero".
 
A nova norma non se preocupa do crecemento económico nin da xeración de emprego, ao tempo que reduce o papel do Goberno autonómico ao de "mero espectador", extremo co que discrepa absolutamente o BNG. "Non estamos de acordo en poñer as políticas económicas que debe desenvolver a Xunta ao único servizo do déficit nin en condenar a Galicia a peores servizos públicos", esgrimiu.