O plan de aforro do Senado de Hamburgo acendeu todas as alarmas da comunidade universitaria que se botou á rúa de xeito unitario ante o recorte. Estanse a levar a cabo diferentes accións de protesta.
 
Estudantes, profesores e traballadores das universidades protagonizaron onte unha protesta en contra do paquete de medidas de aforro do Senadodel estado alemán de Hamburgo. Segundo datos dos manifestantes, unhas 15.000 persoas marcharon ata o Concello contra o recorte planeado de 32 millóns de euros.
 
Martin Köttering, o decano da facultade de Belas Artes, nun acto simbólico, quitou a chaqueta e a camisa e, a peito descuberto asegurou: Voulles ensinar como estaremos pronto as universidades". Uns 850 científicos asinaron unha carta dirixida ao Senado en protesta polo recorte. Decanos de polo menos cinco universidades da cidade-estado de Hambrugo animaron aos estudantes e traballadores dos seus centros a participar na protesta. O decano da Universidade de Hamburgo Dieter Lenzen acompañou a manifestación e mantivo un discurso ao final desta.
 
Viñemos a quedar, aseguraban os manifestantes. Horas antes decidira a asemblea da Universidade de Hamburgo que realizarían unha acampada fronte ao concello. A intención dunhas 300 persoas era quedar dous días e ofrecer clases ao aire libre. As autoridades non permitiron a acampada fronte ao concello e os que se negaron a abandonalo foron disuadidos con spray de pementa. A cambio cederon outro lugar, Jungfernstieg, onde acamparon os manifestantes. A inspiración da protesta veu de Madrid e Atenas, aínda que "aquí só manifestámonos pola educación, por agora," sinalaban os manifestantes. Está planeado que permanezan ata o xoves acampados.
 
Tamén hai constituído un grupo chamado "Büro für ungewöhnliche Maßnahmen", en castelán "Oficina para recortes inesperados", que organiza clases ao aire libre por toda a cidade coa colaboración dalgúns profesores.
 
Unha das reivindicacións é acabar coas matrículas da Universidade, impostas no marco do plan de Bolonia, e que noutros estados, como Renania Westfalia do Norte, conseguiron volver quitar mediante as protestas.