06/06/2011
CUTUDC / Novidades
ACTUALIDADE
A Mesa insta a Negreira a pechar o debate sobre o topónimo
O presidente da Mesa pola Normalización Lingüística, Carlos Callón, alerta sobre a recorrente polémica do topónimo da Coruña, cuxa castelanización vén sendo reivindicada polo futuro alcalde, Carlos Negreira, do Partido Popular. Arredor desta cuestión, o presidente da Xunta, Alberto Núñez Feijóo, ten manifestado que, de chegarlle un requirimento do goberno local herculino para colocar o “L” no nome da cidade, someterá a cuestión á consideración do Parlamento.
-
Noticias relacionadas
O presidente da Mesa pola Normalización Lingüística (MNL), Carlos Callón, advertiu este mércores o presidente provincial do PPdeG na Coruña e futuro alcalde da cidade, Carlos Negreira, que é necesario "pechar definitivamente" o debate sobre o topónimo da Coruña e manter a variante galega.
Callón ofreceu este mércores unha roda de presa na que expresou o seu "respecto" polos resultados electorais que deron a Negreira a maioría absoluta e ofreceu ao PPdeG, que formará o próximo equipo de goberno na Coruña, "diálogo e colaboración".
Neste sentido, expresou a súa confianza en que a partir do 11 de xuño se atopen co Negreira que apoiou co seu voto en 2004 no Parlamento de Galicia o Plan de Normalización do Lingüística da galega fronte ao que se mostrou máis "histriónico" neste asunto durante os últimos tempos, especialmente na campaña electoral coa proposta de oficializar o topónimo castelán da Coruña.
"Tendemos a man ao diálogo en defensa da lingua que nos une como galegos e da lexislación na materia", insistiu Callón, pero advertiu de que se se rexeita a colaboración emprenderán "as accións xudiciais que sexan necesarias".
Ademais, anunciou que o Valedor do Pobo dirixiuse ao Concello da Coruña atendendo o requirimento dun particular para instarlle a que inste á empresa municipal de tranvías para que rotule en galego as informacións fornecidas aos cidadáns.
Callón precisou que será Negreira o que teña que atender este requirimento do Valedor do Pobo, institución á que felicitou pola medida.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript