O alto cargo da Xunta foi recriminado pola desprofesionalización do servizo de prevención sendo que foi creado para efectuar actuacións non só de extinción senón tamén de prevención e desde a chegada do PP á Xunta deu un retroceso á filosofía preventiva, xa que o Goberno galego só mantén un potente dispositivo contra incendios sen facer a política preventiva axeitada, á vez que privou de todo músculo a Seaga ao usalo só para a extinción.
 
Censurouselle, tamén, a contratación de traballadores estacionais en precario e denunciouse o perigo de reforzar o dispositivo da Xunta con persoal do Seaga só entre xullo e setembro. Ademais, lembrouselle que hai cousas que as empresas forestais non fan, como intervir en cuestións de conflitividade social polo que a Xunta non ataca as causas estruturais dos lumes.