06/06/2011
CUTUDC / Novidades
ACTUALIDADE
Aprobada a Lei da Ciencia
A nova Lei apróbase no marco dunha profunda crise cun aumento vertixinoso do paro e a destrución de gran parte do sistema produtivo.
Os aspectos centrais da lei reflicten as presións dos sectores empresariais para reorientar ao sector público cara á transferencia e a innovación. Ante a incapacidade de xerar un tecido tecnolóxico potente a partir dun investimento propio sostido e suficiente, proponse a conversión do sector público no núcleo da investigación aplicada. Para abundar nesta proposta, CIU introduciu no trámite de emendas o concepto de transferencia inversa, que en román paladino significa que serán as grandes empresas as que decidan as prioridades e obxectivos do sector público
-
Noticias relacionadas
Posicionámonos na súa contra porque, esencialmente non resolve o grave problema de precariedade existente no sector. Será, unha vez máis, unha lei contra os traballadores da investigación:
Non se recoñece a carreira profesional para o persoal técnico, mentres que si se recolle a xa existente para o persoal científico.
Aínda que se eliminan as bolsas (o sistema 2 + 2) en contratos de ata catro anos, ao non se manter as condicións e os dereitos salariais actuais moitos preferirían o sistema vello. De acordo coa lei, os contratados de primeiro ano poden cobrar o salario mínimo fronte aos, en xeral, 1.100 euros actuais.
Na UDC moitos contratos denunciáronse e gañáronse os xuízos por encadeamento de contratos. A nova disposición adicional vixésimo terceira (Froito dunha transacción, entre outras, á emenda 304 do PP) implica que a todos os contratos temporais (todos os que se regulan nos artigos 19.2, 25.7 e 29 desta Lei) non se lle poderán aplicar os artigos 15.1 e 15.5 do Estatuto dos Traballadores. Elimínase, polo tanto, a posibilidade de acceder a un contrato indefinido por encadeamento de contratos no mesmo posto de traballo, a tan popular 'lei Caldeira'. É unha forma moi curiosa de recoñecer a excelencia e a necesidade do cambio de modelo produtivo a través da I+D+i.
As emendas de CIU enfócanse en particular a poñer aos centros de investigación e as universidades ao servizo directo das empresas. O perverso concepto de 'transferencia inversa' é o que todos entendemos que é: serán as grandes empresas as que decidan os obxectivos nos que deberán traballar os investigadores do sector público. E será gratis.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript