O presidente do Banco Santander, que é "un dos principais artífices da crise e beneficiario das políticas sociais e económicas que a clase política está a adoptar", acudiu ao Acto de Firma de Cátedras de Excelencia que se celebrou ás seis e media da tarde, no Salón de Graos da Universidade, coa presenza do reitor Daniel Peña.
 
Tras uns minutos de gran tensión, os indignados lograron entrar no edificio despois de superar aos vixiantes de seguridade que tentaban impedirlles a entrada, aínda que lles foi imposible acceder ao Salón de Graos. Os manifestantes, moitos deles universitarios, sacaron cartóns vermellos a Botín e denunciaron que a propia institución coartou a súa liberdade de expresión ao impedirlles acceder ao acto:
 
"Seguindo a política habitual da Universidade, negóusenos o acceso ao acto, no que pretendiamos ler un manifesto e sacarlle cartón vermello, demostrando que Emilio Botín non é benvido a un espazo público que debe estar ao servizo do interese da sociedade e non ao servizo dos intereses privados. Do mesmo xeito que vimos estes días nas prazas de todo o mundo, os privilexios de Botín –e do resto de culpables da crise– son blindados con forzas de seguridade –xa sexan privadas ou públicas–, demostrando unha vez máis como se nega á cidadanía a toma de decisións e a libre e pacífica expresión da nosa indignación".
 
Ao non poder acceder á sala, procedeuse a ler o seguinte manifesto no vestíbulo do edificio: