Pola pouca información da que dispoñen, con ese plano de viabilidade preténdese reducir o número de traballadores/as e as actividades deportivas, nomeadamente aquelas que a Universidade non considera rendíbeis.
 
O pasado 18 de maio celebrouse unha primeira xuntanza na que non lles chegaron a explicar en que consistía ese plan de viabilidade. Por iso levaron a cabo unha primeira xornada de folga o pasado día 19 de maio e outra este mércores.
 
Agardan que se retome o diálogo e que se lles proporcione información para poder avaliar o impacto que terá o plan de viabilidade, tanto sobre o emprego como sobre as actividades deportivas.
 
Durante a xornada de folga, que discorreu con normalidade, volveron concentrarse ante o reitorado da Universidade de Santiago, na Praza do Obradoiro, logo de marchar polas rúas do casco histórico desde a Alameda.
 
Demandan, como diciamos, da dirección da fundación información dos contidos do plano de viabilidade que prevé pór en marcha o organismo e que, polo que saben, implicará unha redución de traballadores e de actividades deportivas. Denuncian que tras da xuntanza do pasado 18 de maio, nin a Fundación nin o reitorado abriron canles de diálogo que permitiran desbloquear o conflito.
 
DENDE AQUÍ A NOSA SOLIDARIEDADE. AS CRISES NON AS PODEMOS PAGAR SEMPRE OS MESMOS.