Os tópicos son difíciles de erradicar. Contradicindo o que di a chanceler, a OCDE revelou en abril que traballamos máis que os alemáns, cobramos menos, temos os mesmos días de vacacións e xubilámonos máis tarde.

De acordo coa organización internacional, que achega datos do 2009, a xornada media laboral no estado é de 1.653 horas anuais, fronte ás 1.389 de Alemaña. Neste país o salario medio elévase a 42.400 euros, practicamente o dobre que o noso (23.200), e que ninguén pense que a súa retribución non aumenta a cambio de vacacións: 24 días laborais en territorio xermano, fronte a 30 naturais.

Alemaña, por ser rica, non ten dereito a falar sen rigor e atropelar dereitos de miles de cidadáns da UE. Participe ou non nos rescates (rescates que sempre son interesados e nos que se establecen condicións leoninas para os traballadores dos países “rescatados”).