23/05/2011
CUTUDC / Novidades
ACTUALIDADE
Asembleas, un elemento de normalidade
O movemento asembleario representa dentro do novo sindicalismo unha faceta esencial. Xunto coa decisión de non acollerse a subvencións que limiten a liberdade de acción sindical as novas alternativas sindicais decatáronse de que era indispensable dar ao colectivo de traballadores/as a necesaria capacidade de tomar as decisións que lle van afectar.
-
Noticias relacionadas
As asembleas son a expresión do noso modelo sindical, alternativo aos modelos burocratizados existentes.
Porque cremos no sindicalismo asembleario e participativo, cando nos deixan, facilitamos toda a información que posuímos sobre os distintos temas que se están a tratar en todos os órganos nos que estamos presentes, de tal forma que os traballadores poidan informarse e formarse un xuízo propio sobre estes para poder emitir a súa opinión.
Comprometémonos a realizar asembleas e a consultar a traballadores e traballadoras todas as cuestións que lles afecten e que poidan presentarse nos distintos ámbitos de negociación, antes de proceder á sinatura ou rexeitamento das propostas da Universidade.
Dentro das capacidades que outorgan as novas tecnoloxías tamén, de ser posible, (se é aceptado pola institución), e sen desbotar a realización de asembleas onde se contrasten opinións para facilitar a formación dun xuizo persoal, utilizaremos o voto electrónico para a toma de decisións. Hoxe xa é posible.
Non queremos suplantar a opinión e decisións do colectivo, queremos representalo, a través da democracia directa e da acción directa, reflexo da participación na solución de problemas propios.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript