maio de 2011
 
 

09/05/2011

   CUTUDC / Novidades

  ACTUALIDADE

O intercambio a toda mecha

Este ano pillounos o touro. Aínda non tomara posesión a nova Xunta de Persoal e xa estabamos metidos no “fregado”

 

  • Noticias relacionadas

 

 

Como sabedes todos/a, os orzamentos do ano 2011 co único voto en contra do noso representante, determinan que os cartos destinados á acción social pasasen ao Capítulo I do orzamento. Isto determina que a participación nos programas de acción social sexan considerados como pagos en especie, á hora da realización da declaración da renda.

Tamén determina que, o gasto ten que ser realizado polo centro de gasto autorizado cando até agora era a Comisión a que realizaba toda a xestión, tamén a económica.

O Comité de Empresa, dada a gran participación dos compañeiros e compañeiras nos programas de intercambio vacacional,  xa se pronunciou a prol de non perder esta partida nin os fins no que se emprega, así llo fixemos ver á xerenta na reunión que, a tal efecto, mantivemos. Faltaba por saber a posición da nova Xunta de Persoal que concordou co mesmo criterio.

Aínda que a nova Xunta de PAS tomou posesión fai moi pouco tempo púxose a traballar de xeito inmediato coa colaboración da delegación do PAS laboral.

Concluíron que, para non perder a posibilidade de que este ano houbese intercambio había que poñerse mans á obra aínda que se lle reclamase á Xerencia que a xestión futura debía realizarse de xeito institucional e polo servizo apropiado.

A primeira cousa coa que se atoparon foi que os criterios de adxudicación das prazas non parecían os máis “democráticos” posto que presupoñían, na práctica que a letra do apelido era a parte determinante para a súa adxudicación. Así puxéronse a traballar nunha alternativa que será votada en asembleas conxuntas a realizar en Coruña e Ferrol.

Comeza unha nova andaina nas tomas de decisión. A asemblea decide. Participa.

 

CUT da UDC . SEMPRE DO LADO DAS TRABALLADORAS E TRABALLADORES

Quen somos | Contacto | Axuda

cutudc.com, 2009. Publicado baixo licencia Creative Commons DHTML Menu By Milonic JavaScript