02/05/2011
CUTUDC / Novidades
ACTUALIDADE
Guerra aberta polos títulos entre a USC e a UDC
A Escola Politécnica Superior de Ferrol, mostrouse contraria desde o principio á implantación do título na cidade das murallas. A este rexeitamento sumáronse tamén a Universidade da Coruña (UDC) e a Federación de Asociacións de Enxeñeiros Industriais de España, que non só solicitaron á Xunta que retirase o máster, senón que ademais o denunciaron nos tribunais, por considerar que non se axusta á legalidade nin ofrece garantías de calidade método.
-
Noticias relacionadas
As hostilidades iniciáronse o pasado 4 de abril por parte do Consello Xeral de Colexios Oficiais de Enxeñeiros, que presentou dúas denuncias ante o director xeral de Política Universitaria do Ministerio de Educación e ante o conselleiro de Educación da Xunta contra o cadro de profesorado que a USC asignou para impartir o Máster de Enxeñería Industrial en Lugo, por consideralo "inadecuado" e "supostamente ilegal" nalgún dos casos. Destacaban nas denuncias que, "dos 22 docentes" que impartían as materias dos estudos de Enxeñería Industrial neste curso académico, "só un posúe a titulación de Enxeñeiro Industrial", e materias como Tecnoloxía Eléctrica eran impartidas por profesorado da área de coñecemento de Enxeñería Agroforestal.
A Federación de Asociaciones de Ingenieros Industriales de España aconsella non estudar esta disciplina no campus lugués, pertencente á Universidade de Santiago de Compostela (USC), e, de cara ós que xa son alumnos, recomenda "non continuar os estudos" debido a que ó seu ver non existe "o profesorado requirido" para impartir a titulación.
Segundo afirmou o presidente da Federación, Luis-Manuel Tomás Balibrea as "deficiencias" nesta docencia provocaron que "ata os seus máximos responsables universitarios" se expoñan deixar de ofertala. Ademais, preguntouse "que empresario se arriscaría a contratar alguén formado nun centro así". Así mesmo, a federación afirma que a situación non obedece a "simples problemas económicos ou de asignación docente", senón que responde a que a USC non dispón de "profesorado con perfil adecuado". Segundo denunciou, seguen sen impartirse materias que deberan comezar o pasado 30 de marzo.
Segundo conclúe o comunicado desta organización, a Facultade de Ciencias do campus de Lugo está realizando unha "estafa social" e por iso ven necesaria a "intervención" da Xunta de Galicia.
Así mesmo, a través deste comunicado, a Federación de Asociaciones de Ingenieros Industriales de España recalcou que a organización "refórzase na súa decisión" de negarlles a colexiación a aquelas persoas que conseguisen o Máster en Enxeñería Industrial ofrecido pola Universidade de Santiago de Compostela.
Na súa opinión, na actualidade este título "non ten garantías de calidade" e sería unha "irresponsabilidade" posibilitarlles o acceso ó exercicio profesional ós que teñen este máster, posto que, indica, eles mesmos saben "que non teñen a formación adecuada"..
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript