Primeiro de Maio día de loita pola dignidade da clase obreira!

GALERÍA FOTOGRÁFICA

Os culpables da crise. Os que durante anos privatizaron as ganancias fannos pagar, agora, as súas perdas. O capitalismo estase a rexenerar do xeito máis prexudicial para a clase traballadora, de seguir por este camiño pagaremos a totalidade da factura da súa crise.

Este primeiro de maio demostramos, mediante a mobilización máis unitaria posible, que non imos consentir que o autoritarismo do estado nos silencie, que o goberno estatal e autonómico sigan lexislando contra os nosos intereses de clase. Tampouco imos permitir que os ricos, os empresarios, os banqueiros e os directivos das grandes empresas nos refreguen pola cara as súas escandalosas contas de beneficios e salarios mentres os traballadores e traballadoras sufrimos os despedimentos, os ERE´s a precariedade e a miseria.