02/05/2011
CUTUDC / Novidades
ACTUALIDADE
A OCDE ve moi difícil conciliar vida laboral e familiar no estado
O estado necesita favorecer a conciliación da vida laboral e
familiar, segundo a OCDE, que nun informe divulgado o día 28 subliña
especialmente que non hai suficientes garderías fose do horario escolar.
O servizo para atender aos nenos fóra dos horarios escolares "é limitado
e moitos pais" teñen que recorrer a dispositivos "informais", e así ao
redor dunha cuarta parte dos avós ocúpanse dos seus netos cada día,
sinala a organización con sede en París.
-
Noticias relacionadas
"Ás familias no estado resúltalles difícil combinar traballo e vida familiar", insiste a Organización para a Cooperación e o Desenvolvemento Económico (OCDE), que ilustra esa situación coas baixas taxas de fertilidade e de ocupación das mulleres se llas compara coa media dos países membros.
No estado español as mulleres tiñan en 2007 unha media de 1,40 fillos (a mesma cifra que 20 anos antes) fronte a 1,74 no conxunto dos 34 países da organización.
En canto á taxa de actividade das mulleres era do 53,5 %, fronte ao 59,6 % na OCDE, aínda que neste caso a evolución foi a máis importante con 21 puntos porcentuais máis desde 1995.
Aínda que as axudas públicas á familia aumentaron entre 2003 e 2007 ata o 1,6 % do Produto Interior Bruto (PIB) neste último exercicio, a cifra era moi inferior á media do 2,2 % da OCDE, por non falar dos países máis xenerosos neste punto, que eran Francia (3,7 %), Dinamarca (3,7 %), Reino Unido (3,6 %) e Islandia (3,5 %).
Outro dos puntos negros apuntados para o estado español no estudo sobre políticas familiares é a "fractura" entre homes e mulleres no tempo que dedican aos labores domésticos: menos de dúas horas ao día para os primeiros e unhas cinco horas para as segundas, a sexta maior diferenza dos países membros.
"Unha división máis equitativa do traballo non remunerado no interior dos fogares podería contribuír a unha maior participación de pais e nais para cumprir as súas aspiracións laborais",
Un 17,3 % dos nenos viven, no estado, en familias pobres, porcentaxe notablemente superior ao 12,7 % de media da OCDE.
Os autores do informe insisten en que "o traballo é clave para reducir a pobreza". A proba é que nas familias en que só hai un soldo, a porcentaxe de nenos pobres é do 23,7 %, e nas que ningún membro traballa, do 71,7 %.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript