25/04/2011
CUTUDC / Novidades
ACTUALIDADE
ETT. Compromiso incumprido
A primeira vez que o Sr. Barja presentou a súa candidatura (2003)
alcanzáranse con el unha chea de acordos que condicionaban o apoio á súa
candidatura, entre eles o rematar coas ETT na UDC.
-
Noticias relacionadas
Pareceu, ao principio, que as cousas ían por bo camiño, así o Préstamo Interbibliotecario e o INEF pasaron de ser atendidos mediante empresas contratadas no Capítulo II do orzamento a ser atendidos por persoal da propia institución aínda que de xeito precario (no caso do INEF, con contratos de 3+3 porque non hai RPT).
De todos os xeitos a presión relaxouse e este compromiso pasou a ser un compromiso incumprido, incluso , durante os últimos anos incrementou o número de traballadores contratados mediante este método.
Na actualidade uns 10 traballadores/as desenvolven o seu traballo, facendo todos eles labores de auxiliares de servizo na nosa Universidade.
Temos que lembrar que as condicións nas que estes traballadores desenvolven o seu traballo en nada se parecen ás de calquera outro PAS laboral da UDC, nin en dereitos económicos nin sociais hai parangón.
O labor das ETT é exclusivamente traficar cos traballadores, atropelando os seus dereitos e vulnerando en moitas ocasións os limítes legais de xornada, descansos, permisos, vacacións e condicións de seguridade e hixiene laboral...
A solución témola clara, non debería custar un can, non se renovan os contratos con empresas e trasládase o orzamento desas partidas ao Capítulo I, (aparecendo, polo tanto, eses postos de traballo na RPT) isto xa se propuxo en múltiples foros e reunións, sempre levantou a risiña irónica do equipo reitoral. Consultados técnicos e economistas redundan na posibilidade de facer este procedemento. Só fai falta vontade política, cousa da que carece este reitor e os seus acólitos.
A precariedade na Universidade non se cingue exclusivamente a este tipo de contratación. Hai outros traballadores e traballadoras que veñen padecendo, desde ai anos, situacións de sobre explotación (hai servizos completos que se sustentan con contratos ao abeiro de convenios…) aos que iremos dedicando artigos en sucesivos xornais.
O emprego polo que loitamos é un emprego de calidade, digno e con dereitos sociais para todos. O que nos propoñen desde o goberno da universidade coas ETT e a subcontratación mediante convenios é unha caricatura. É a explotación máis vil.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript