18/04/2011
CUTUDC / Novidades
ACTUALIDADE
Os traballadores/as do estado español traballan un 19% máis que os alemáns
Un informe da OCDE revela que estado español dedícanse 4,6 horas
diarias a labores remunerados, un 19% máis que os alemáns.
O estado español é o décimo terceiro da OCDE onde máis tempo se dedica a
labores remuneradas.
-
Noticias relacionadas
Mentres o salario dos traballadores do estado segue sendo un dos máis baixos da Unión Europa (UE) con 22.000 euros ao ano fronte aos 35.000 euros de media nos países membros, unha asignación que só é inferior en Grecia, Portugal e Polonia
Os traballadores/as do estado español dedican ao traballo remunerado ou ao estudo un total de 4,6 horas diarias (276 minutos), o que supón un 19% máis que os alemáns (232 minutos) e un 22,6% por enriba dos daneses (225 minutos), e sitúa a España como o décimo terceiro país da Organización para a Cooperación e o Desenvolvemento Económico (OCDE) que máis tempo emprega a estes labores, practicamente en liña coa media da institución (277 minutos).
Os datos recollidos no informe A sociedade nunha ollada constata por outro lado que, os traballadores/as do estado españo dedican un total de 3,3 horas (198 minutos) a labores non remunerados, como cociñar, facer a compra ou limpar a casa, un 4,3% por debaixo das 3,4 horas (207 minutos) empregados pola media da OCDE.
En concreto, chineses e xaponeses son os cidadáns que menos tempo dedican a estas cuestións non remuneradas, en ambos os dous casos 2,7 horas diarias (164 minutos), mentres que mexicanos (253 minutos) e turcos (247 minutos) son os cidadáns da OCDE que máis tempo dedican a estes labores.
Diferenza de xénero
Así, os cidadáns mexicanos son os que empregan máis tempo (594 minutos) a ambas as dúas cuestións seguidos de xaponeses (540 minutos), portugueses (528 minutos) e canadenses (517 minutos), mentres que os que menos tempo dedican son os belgas (427 minutos), daneses (441 minutos) e alemáns (445 minutos). Pola súa banda, os cidadáns do estado español empregan en labores remunerados e non remunerados un total 7,9 horas (475 minutos).
No caso do estado español, a OCDE destaca que "a diferenza de xénero en canto ao traballo non remunerado no estado español é de 3 horas e 7 minutos, a sexta maior brecha da OCDE," onde a diferenza media é de 2 horas e 28 minutos.
Así mesmo, a institución sinala que o traballo non remunerado no estado español representa o 41% do PIB, a quinta maior proporción despois de Xapón (42%), Nova Zelandia (43%), Australia (46%), e Portugal (53%).
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript