18/04/2011
CUTUDC / Novidades
ACTUALIDADE
Os islandeses son uns irresponsables
"Elixiuse a peor
opción. Debemos facer todo para evitar un caos
político e económico a consecuencia do resultado. "
-Johanna Sigurdardottir, primeira ministra de
Islandia-
-
Noticias relacionadas
Imos ter que tomar medidas máis drásticas para facer entrar en razón aos islandeses, que volveron rexeitar comer as débedas dos bancos. Por agora ameázanos con levalos aos tribunais, pecharlles a porta de Europa e que Moody's lles rebaixe o rating. Se aínda así se resisten, haberá que mandar a OTAN, porque outra cousa xa non se me ocorre para que actúen como cidadáns responsables.
É o que pasa por deixar que a xente decida. Os da pé somos por natureza irresponsables, porque a diferenza da clase política non temos sentido de Estado. Por iso é mellor deixar as decisións importantes en mans dos expertos ou os gobernantes, sempre máis responsables.
Algo parecido pasou en Eslovenia: o parlamento aprobou unha reforma laboral, e a presión popular logrou un referendo. E que cren que pasou? Pois que un 82% a rexeitou. E pronto votarán tamén a de pensións.
Imaxínanse que aos españois nos consultasen sobre a reforma laboral, de pensións ou das caixas? Por sorte somos un país serio, cunha clase política responsable e con sentido de Estado, e leis que dificultan convocar referendos a parvas e a tolas, porque o máis probable sería que nos equivocásemos e votásemos en contra do que os maiores, perdón, os dirixentes, saben que é mellor para nós.
Non sabemos se en Islandia haberá un terceiro referendo, ou acabará decidindo o parlamento. Xa pasou coa constitución europea: en canto a rexeitaron en Francia e Holanda, desbotouse a idea de ratificala en referendo, e o novo tratado aprobárono por vía parlamentaria todos os países salvo Irlanda, onde houbo que votar dúas veces para que non se equivocasen os cidadáns.
Os que non teñen xa estes problemas son os portugueses. Eles non votarán os seus plans de axuste, e aínda que elixan os seus gobernantes, tampouco estes decidirán a política económica, por se non son abondo responsables. Hoxe reciben a visita do FMI, o BCE e a Comisión, xente seria onde as haxa, e que lles dirán que é o que máis lles convén.
Artigo de Isaac Rosa
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript