A situación do INEF (FCDEF).
Son interino, debido a esta condición laboral tiven contratos en varios centros da universidade, nalgún deles repetín. Este é o caso do INEF, sempre que traballei neste centro eramos, na conserxería, 4 traballadores en quenda de mañá e 3 na de tarde. Menten si se di que os postos eran menos, dou fe de que non era así e non me estraña, o centro é enorme, ten grandes espazos diferenciados e separados uns doutros, espazos onde hai material e a atención debe ser permanente.

Pode haber democracia cun trato tan diferenciado?
Nesta universidade o que non pasa polo aro teno complicado. Volvemos aos tempos do amigo, da proximidade, todo o que se move da liña marcada queda estigmatizado, esta circunstancia tócanos vivila aos laborais, somos malos, non aceptamos as migallas e agora estannos preparando para o castigo que virá en forma de RPT, de todos os xeitos tamén nos están preparando para que asumamos o castigo pero que non os culpemos, a culpa coma en todo será doutros, neste caso da Xunta, que impón as restricións no gasto. Méntennos e quérennos facer tontos, como si non vísemos como ao noso redor todos promocionan, teñen RPT, asinan convenios…

Deberiamos seguir o exemplo de Islandia
Invádeme unha envexa, moi san, sobre o pobo islandés: compráceme que fosen capaces de permitir que se afunda a súa banca e meter no cárcere aos seus banqueiros e non aceptar mediante un referendo pagar a débeda provocada por estes. Ese é o pobo soberano, deberiamos tomar exemplo. Por que as perdas do gran capital se teñen que socializar e os beneficios se teñen que privatizar? Tomemos exemplo, que o pobo sexa soberano, que pasemos dos mercados, das recomendacións da Unión Europea, das axencias de cualificación que continuamente nos descualifican.
Sexamos un pobo soberano, temos o poder. Por que o desperdiciamos e nos conformamos? Estamos durmidos?