A pesar das decisións adoptadas, o 46,9% cre que así non se resolverá o problema das pensións e prevé que a polémica reaparecerá nos próximos anos.

Todos os asinantes do Acordo Económico e Social saen malparados. O Goberno e os sindicatos, os dous principais interlocutores, son os que peor opinión suscitan entre os enquisados. Segundo o CIS, ao redor da metade dos cidadáns do estado empeoraron a súa visión do Executivo (49%) e das centrais (46,8%). Os empresarios, moito menos presentes nesta negociación, son os menos prexudicados e o 40,3% teñen agora unha peor imaxe deles. Iso si, o 81,1% dos enquisados aproban o avance que supón recoñecer con nove meses de cotización por fillo aos pais e as nais..

Preocupacións

O paro e a economía seguen sendo as dúas principais preocupacións dos cidadáns do estado. Un 81,8% dos sondados consideran o desemprego como o problema máis importante da sociedade. O 51,3% dos enquisados consideran que a falta de ingresos é a cuestión máis importante do momento.