As denuncias por violencia machista sumaron en 2010 un total de 134.105, o que supón que se presentaron 368 ao día por esta causa, un 1,1% menos que as rexistradas en 2009, segundo os datos do Observatorio contra a Violencia Doméstica e de Xénero do Consello Xeral do Poder Xudicial (CGPJ). De media presentáronse 15,3 denuncias cada hora, e do total das rexistradas durante 2010, o 79,49% foron con atestados policiais, o 10,92% a través de remisión do parte de lesións, o 8,32%, directamente polas vítimas no xulgado, o 0,9% restante por remisión de servizos de asistencia ou terceiros e o 0,36% restante presentáronse no xulgado por familiares das vítimas.

O ano pasado, 21.368 agresores foron axuizados polos xulgados de Violencia contra a Muller, dos que o 76% foron condenados. Ademais solicitáronse 44.833 ordes de protección nos xulgados de garda e celebráronse 34.554 xuízos.

MULLERES ASASINADAS

Última morte: Madrid, 5 de Abril de 2011 e xa van 18 mulleres asasinadas no que vai de 2011

* Para consultar os informes sobre vítimas mortais por violencia de xénero do Ministerio de Sanidade, Política Social e Igualdade, pica aquí.

*O balance de 2010 de mulleres asasinadas polas súas parellas ou ex parellas é de 78.

*O balance de 2009 de mulleres asasinadas ás mans das súas parellas ou ex parellas é de 73. Para consultar os datos sobre violencia de xénero da Rede feminista contra a violencia de xénero en 2009, pica aquí.

Entre 2003 e 2009 488 mulleres morreron a causa da violencia machista