A renovación da representación nas comisións delegadas obriga á constitución apresurada das Xuntas e Comité para nomear aos representantes no Consello de Goberno para que, á súa vez, elixan representantes nesas comisións delegadas.

A constitución dos órganos de representación ten uns prazos e vai por un camiño marcado desde que se fai a convocatoria electoral.

Parécenos que, unha vez máis, se actúa dun xeito apresurado. Cremos que se podía agardar unha semana máis para convocar este Consello de Goberno e así deixar un valioso tempo para que os procesos de constitución dos órganos de representación se fixesen sen tanto apresuramento.