marzo de 2011
 
 

21/03/2011

   CUTUDC / Novidades

  ACTUALIDADE

Demanda polo incumprimento da Transitoria II

O pasado mércores 16 tivo lugar na sala do social nº 2 da Coruña, a vista oral da demanda presentada fai tres anos por un grupo de traballadores do grupo IV contra a UDC polo incumprimento da transitoria II.

 

  • Noticias relacionadas

 

A postura da Universidade centrábase en varios puntos, todos eles falaces, salvo o primeiro:

  • -          Ningún dos demandantes pertence á categoría de telefonistas, único colectivo que tiña posta unha data concreta para a súa promoción.

  • -          Caducidade da disposición da que se reclama a súa execución ao negociarse un novo convenio, que deixa sen efecto ao anterior.

  • -          A disposición transitoria II do III convenio non ten carácter normativo senón dispositivo, estando xa denunciado o Convenio.

  • -         Imposibilidade de levar a cabo a transitoria II ao ser rexeitada polos traballadores a RPT que a levaría a efecto. E aínda que non houbera sido así, faltaría tamén a aprobación do Consello Social e da Xunta.

A parte demandante ratificouse nos termos da súa demanda, pedindo que se admitise como proba a parte dos Estatutos na que se indica a quen corresponde elaborar a RPT e con que periodicidade. A proba foi admitida (logo de insistir), non así  a declaración como testemuña do presidente do Comité de Empresa, que agardou pacientemente fóra da sala.

O que noutros ámbitos podería entenderse como prepotencia, e outros cualificativos comezados por  ’pre’, no ámbito xudicial non é máis que unha mostra da  extraordinaria habilidade, clarividencia e profesionalidade que pode chegar a alcanzarse no continuado exercicio da profesión. Só así pode explicarse que, recoñecendo o Ilustrísimo sr.  xuíz ao comezo da vista que non se leu a demanda, e tras escoitar sen interrupcións ao avogado da Universidade (non tivo a mesma sorte a avogada dos demandantes no tocante as interrupcións), nos apenas 10 minutos que durou todo o proceso estivo listo para desestimar a demanda e absolver á Universidade.

 

CUT da UDC . SEMPRE DO LADO DAS TRABALLADORAS E TRABALLADORES

Quen somos | Contacto | Axuda

cutudc.com, 2009. Publicado baixo licencia Creative Commons DHTML Menu By Milonic JavaScript