O día 2 de marzo (mércores da semana seguinte) os medios de comunicación sinalan que, Tras expropiar os terreos son dúas as únicas alternativas posibles que o departamento de Agustín Hernández lle ofrece á Universidade dá Coruña (UDC): "un contrato de concesión de obra pública ou a execución do proxecto xa existente no momento en que as dispoñibilidades orzamentarias da Xunta de Galicia o permitan". Así o recoñece o propio Goberno autónomo en resposta parlamentaria a unha pregunta do grupo nacionalista.

O vicereitor demanda, a través deses medios, que, se a Xunta non ten vontade ou non se sente capaz", de levar adiante unha residencia pública, "clave para o desenvolvemento da rexión urbana máis dinámica" de Galicia e "con prezos públicos", que a UDC está disposta a asumir esa carga con tal de que se materialice o proxecto. "A Universidade buscará o financiamento público para levala adiante", indica, "iso será un tema noso".

Pensamos que as alternativas hai que discutilas e decidilas nos órganos de goberno da institución, non improvisalas a través dos medios de comunicación.