07/03/2011
CUTUDC / Novidades
ACTUALIDADE
Día internacional da muller traballadora
Entre os colectivos tradicionalmente máis marxinados, e que se atopan nunha situación máis vulnerable ante a recesión e a crise económica.encontrámonos as mulleres, que vemos como se incrementan as dificultades para o acceso e o permanencia no mercado laboral.
As mulleres fomos as primeiras afectadas polas reformas estruturais do mercado de traballo. As medidas formuladas aumentaron, aínda máis, a segregación social.
-
Noticias relacionadas
A nova situación normativa,
despois da reforma laboral, xera
unha sociedade cada vez máis dual e polarizada
entre clases poderosas e clases populares, ricas e
pobre. Pero, mesmo entre a xente menos favorecida
sempre haberá colectivos que por encontrarse entre
aqueles que están tradicionalmente marxinados,
estarán nunha situación máis vulnerable ante a
recesión e a crise económica. Entre estes
colectivos encontrámonos as mulleres, que vemos
como se incrementan as dificultades para o acceso e
o permanencia no mercado laboral.
As mulleres fomos as primeiras afectadas polas
reformas estruturais do mercado de traballo. As
medidas formuladas aumentaron, aínda máis, a
segregación social.
Situación das mulleres no mercado de traballo
O alcance das medidas da reforma son demoledoras:
2. Diminuíu a cobertura por desemprego.
3. Incrementou os xa altos niveis de pobreza.- Prodúcese unha "feminización da pobreza": as mulleres son máis numerosas que os home á hora de ocupar postos de traballo a tempo parcial, en lugares pouco atractivos e especialmente vulnerables á crise económica. Ademais, as estruturas das familias rexistran un aumentos de familias monoparentais que, en máis do 90% dos casos, teñen unha muller como cabeza de familia. A taxa de pobreza é superior á media cando a cabeza de familia é do sexo feminino.
4. Incrementouse, tamén, o xa alto nivel de temporalidade
5. Os contratos a tempo parcial, aumentan fundamentalmente para as mulleres.
6. Elevada participación feminina na economía somerxida.
7. Salarios inferiores á media percibida polos homes. Segundo diversos estudos, a discriminación global do salario medio do conxunto das mulleres galegas está ao redor de 25-30 punto por debaixo do dos homes.
Análise da reforma: o traballo a tempo parcial.
Pódese afirmar que as mulleres están maioritariamente presentes no que chamamos mercado de traballo secundario ou periférico con contratos temporais, traballando en pequenas empresas onde se constata a fraxilidade e precariedade das condicións de traballo.
Os altos niveis de precariedade e discriminación na relación laboral multiplicáronse coa introdución de medidas tales como as relativas a incidir nunha maior desprotección durante a relación laboral.
Aínda que non se formule explicitamente, é un tipo de contrato que afecta especialmente á mulleres. O traballo a tempo parcial, que ocupa un destacado lugar entre outras medidas das políticas neoliberais de flexibilización laboral, segue unha lóxica infernal. Un contrato a tempo parcial non crea un posto de traballo, senón que vén a substituír, en xeral, a un posto de traballo estable e a tempo completo. Esta tendencia é aínda máis clara en momentos como o actual, marcados pola recesión económica e a destrución de postos de traballo.
O crecemento do traballo a tempo parcial non significou a incorporación das mulleres a novos ámbitos, máis ben, ao contrario, intensificou a segregación do emprego feminino en determinados sectores.
O traballo a tempo parcial tal e como é practicado nalgúns sectores, como o do comercio ou o da limpeza, está moi lonxe de facer posible unha mellor combinación da vida profesional coa familiar. No caso de traballos a tempo parcial son moito máis frecuentes os horarios irregulares e variables dun día para outro e o traballo de fin de semana e nocturno, que nos contratos de xornada completa.
O desenvolvemento do traballo a tempo parcial, xa sexa este o resultado da vontade ou da imposición, ten uns efectos que son moi negativos para as condicións de traballo, os salarios, a cualificaciones, as prestacións de xubilación e desemprego, e para a traxectoria profesional e persoal da muller.
Queremos cuestionar o modelo produtivista e consumista e elaborar alternativas sociais e de relacións interpersoais diferentes ás actuais, máis solidarias, máis igualitaria, con tempo para a afectividade e o coidado das persoas, por parte de mulleres e de homes, con tempo para o desenvolvemento persoal, para o traballo colectivo. Poder elixir o propio tempo e non vivir só para traballar. As mulleres -máis que ninguén- queremos traballar menos horas, claro que si. Tanto no traballo asalariado coma no doméstico. Pero iso debe ser sobre bases moi diferentes ás da precariedade, o rápido aumento da miseria e a segregación social.
Entre os colectivos tradicionalmente máis marxinados, e que se atopan nunha situación máis vulnerable ante a recesión e a crise económica.encontrámonos as mulleres, que vemos como se incrementan as dificultades para o acceso e o permanencia no mercado laboral.
Non transiximos coa situación, non a aceptamos, revelámonos e combatémola. Estamos e estaremos na primeira liña de combate contra unha situación que nos afoga na precariedade máis absoluta.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript