As asembleas marcaron o camiño

Os días 28 de febreiro e 1 de marzo fixemos, en Ferrol e Coruña, asembleas nas que se manifestou o sentimento de marxinación que padece o colectivo, e que traballadores/as padecen de xeito cotiá.

O Colectivo ten a absoluta certeza de que a Universidade xoga sucio con todos os acordos acadados, asinados e reflectidos tanto nos Estatutos da Universidade como nos Convenios Colectivos.

Levamos seis anos sen que se cumpran os compromisos adquiridos, non podemos esperar máis.

Ir á noticia

UNIVERSIDADE

Xunta de PAS funcionario. Hai alternativa

Os sindicatos tradicionais fracasaron. Durante 4 anos os traballadores/as funcionarios/as da Universidade da Coruña, fomos uns meros espectadores do que acontecía na Xunta de Persoal.

Chegou o momento de cambiar as formas, os hábitos e comportamentos, a hora de que o PAS decida está a piques chegar. Depende do todas/os.

HAI ALTERNATIVA!

Ir á noticia

10 DE MARZO

A clase obreira galega en pe!

Achégase de novo o día da clase obreira galega, achégase o 10 de marzo, o día no que os galegos e as galegas facemos memoria significada da nosa conciencia de clase e da nosa conciencia de pobo asoballado, polo capital e polo estado español. Facemos memoria de Daniel e Amador.
A CUT convócavos ás concentracións que terán lugar o 10 de marzo nas comarcas de Vigo (non mercado do Calvario ás 20 horas) e tamén en Compostela, da que daremos nota oportuna.

Manifesto

ECONOMÍA

O ataque ás caixas

Hai meses que se presenta ás caixas de aforros como os entes financeiros cuxos problemas son máis difíciles de resolver porque, din, a peculiar composición da súa propiedade e a politización e falta de profesionalización dos seus órganos xestores fan moito máis arduo reunir os fondos necesarios para resolvelos. Pero a súa delicada situación lastra a avaliación dos mercados do sistema financeiro do estado español, polo que se formula a súa reestruturación e recapitalización.

Ir á noticia

GALEGO

A Coruña volve deturpar a toponimia, desta vez nas paradas dos buses

A asociación constata tamén que se seguen deturpando nomes tradicionais da xeografía coruñesa “como nos mellores tempos do franquismo”

“Tan ilegal é empregar La Coruña como Las Jubias ou La Zapateira”

Ir á noticia

UNIVERSIDADE

Últimas convocatorias nas Universidades da Coruña, Santiago e Vigo

Convocatorias

UNIVERSIDADE

Residencia universitaria

No Consello de Goberno do día 25 de febreiro (venres), a Universidade dí non ter coñecemento oficial da intención da Xunta de privatizar a xestión da residencia universitaria.

Parece que o día 1 de marzo (martes da semana seguinte) a situación cambiara radicalmente.

Ir á noticia

8 DE MARZO

As mulleres na mobilización permanente

Neste 8 de marzo pouco temos que celebrar xa que neste último ano sufrimos as maiores agresións contra os dereitos da clase traballadora, e en particular contra as mulleres, dos últimos 30 anos. Recortes nas pensións, nos salarios, abaratamento do despido e un longo etcétera que de certo está lonxe de rematar.

Ir á noticia

POLÍTICA

A xustiza só para ricos

O Consello de Ministros aprobou o proxecto de Lei de Axilización Procesual, que eleva a contía para recorrer por esta vía ao Tribunal Supremo, na xurisdición Civil e do Contencioso-Adminitrativo, de 150.000 a 800.000 euros, o que reducirá drasticamente o número de recursos de casación que estudará o alto tribunal.