O secretario xeral, coa súa intervención no Consello de Goberno do día 25/02/2010 explicitou ás claras a dirección pola que a institución pretende camiñar.

Isto abre un novo fronte de confronto, se a institución se marca como obxectivo o control da información, que non nos enteremos do que pasa para así poder dirixir mellor, activaremos mecanismos de resposta.

Primeiro, por considerala de todo punto antidemocrática, declarámonos insubmisos a esa orde.

Se a partir de agora, despois de que o secretario xeral advertise de que daría orde á lista de PAS para que non se difundisen, a través dela, as ordes do día dos Consellos de Goberno, propoñémonos activar unha lista alternativa. Xa o fixemos noutras ocasións e, cos que ían cambiar a universidade de xeito progresista, tamén o temos que facer.