Os delegados e delegadas, as xuntas de persoal teñen que comprometerse a vehiculizar as decisións de traballadores/as tomadas en asembleas decisiorias. Deben establecer cos seus representados un vínculo de compromiso e mutua confianza.

Por estatutos, por decisión de todos os afiliados/as o noso é un sindicato asembleario. Entendemos, por principios, que, nos órganos de representación, debemos actuar cos traballadores/as pero non suplantar ou impedir a súa voz nin coartar as súas decisións.

O ideario que guía a Alternativa de PAS Asemblearia no Claustro é, perfectamente, trasladable aos demais procesos electorais. A nosa confianza nos compañeiros e compañeiras que se presentan baixo estas siglas nas eleccións á Xunta de PAS é absoluta.