07/02/2011
CUTUDC / Novidades
ACTUALIDADE
Poderiamos xubilarnos aos 60 se o Estado non financiase a Igrexa
Á dereita escandalízaa que o Senado empregue os idiomas das nacións do Estado, gastando neste procedemento unha cantidade misérrima, mentres o mesmo Estado, laico por certo, subvenciona á igrexa católica con miles de millóns, isto parécelles, como non, axeitado.
-
Noticias relacionadas
En pleno século XXI, no Estado español aínda está por conquistarse a separación do Estado e da Igrexa co que isto ten de dereitos para todos. Isto supoñería a anulación dos acordos franquistas e as súas continuacións, unha escola pública e laica, a non participación dos responsables públicos en actos de carácter relixioso e que non utilicen símbolos relixiosos nos actos públicos, así como o autofinanciamento das igrexas, e que non se lles permita a apropiación ilegal e ilexítima do patrimonio público e privado.
As cifras din que a Igrexa queda con 1.000.000.000 de euros (166.000.000.000 en pesetas) do diñeiro público, mesmo agora cando temos o dobre de parados que en Europa.
Os poderes públicos conceden esta cantidade á Igrexa, que a utiliza para o pagamento do culto e o clero, para as vivendas onde residen, para o mantemento das igrexas, para facer proselitismo relixioso, para manter as súas escolas católicas, para pagar aos capeláns en hospitais, cuarteis e cárceres, para pagar aos catequistas das escolas públicas, para reformar e conservar o seu propio patrimonio, para facer campañas de todo tipo contra dereitos civís aprobados no Parlamento, para facer anuncios nos medios de comunicación; para manter os seus propios medios de comunicación, para investilo en operacións financeiras...
O diñeiro obtéñeno do imposto do IRPF, de subvencións múltiples que reciben do Estado, administración local, autonómica e central, de exencións de impostos como o IBI e o de obras, con doazóns do Estado para Fundacións, e coa recepción de patrimonio e de chan por parte do Estado.
É dicir, que o que cada cidadán paga cada ano de media é duns
Se o Estado deixase de financiar á Igrexa Católica non nos xubilariamos aos 67, senón aos 60.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript