Quéixanse, non sen razón, de que ocupando tamén ese mesmo centro, sentíndose parte da institución, o Reitor é o seu presidente e traballando exclusivamente para a UDC, se lles marxine do acto.

Poñen esta circunstancia como exemplo da súa cotidianeidade, están aí pero a Universidade parece que quere ocultar a súa existencia.

Para nós a súa circunstancia está clara, traballan para a UDC, o seu é, para nós, un exemplo claro de prestamismo laboral.

A solución tamén a temos clara, integración na UDC, para nós a Fundación debe desaparecer, nesa desaparición débense preservar os dereitos dos traballadores e traballadoras que hoxe realizan tarefas que, en case todos os casos son idénticas as que os traballadores da institución educativa están a realizar.

Gozan, polo tanto, de toda a nosa comprensión e solidariedade.