Así o goberno socialista aplícase na implantación de políticas neoliberais que favorecen os intereses dese conglomerado de poder. Por un lado regula, lexisla,  para que o capital este nas mellores condicións respecto dos dereitos dos traballadores/as aplicando as políticas deseñadas desde os centros de poder económico. Por outro lado profundiza nas políticas que diminúen o gasto social propiciando as dinámicas privatizadoras do pouco que queda socializado, estas políticas céntranse, neste momento, na privatización das pensións e da sanidade.

No que se refire ás preocupacións dos/as cidadáns a sondaxe, elaborada entre o 3 e o 11 de novembro, recolle que a situación económica é "mala" ou "moi mala" para o 76,5% dos/das preguntados/as.

En canto ao desemprego, foi citado polo 79,5%; os problemas económicos pasan do 47,8 ao 47,9%; a preocupación pola clase política e os partidos mantense en terceiro posto cun 18,2%, unha décima máis.

A Constitución, aínda descoñecéndoa,  non satisfai

Por outro lado, en clave social, case o 40% dos enquisados declarase pouco ou nada satisfeito coa Constitución de 1978 e preto da metade asegura o mesmo cando se lle pregunta sobre o funcionamento da democracia