A Alternativa de PAS Asemblearia (APA) foi a clara vencedora dunhas eleccións nas que se presentaban, por primeira vez, dúas candidaturas que se inscribían dentro do mesmo espazo, reivindicando unha universidade pública, galega e de calidade.

Nesta candidatura presentábase, a título individual, algún compañeiro/a vinculado/a ao noso sindicato (nesta mesma situación hai outros compañeiros dalgún outro sindicato).

A novidade esencial que presenta a candidatura é a súa faceta de defensa do asemblearismo como xeito específico de representación.

O PAS está farto de ser un suxeito pasivo, ao que se lle solicita o voto cada catro anos e despois nunca máis se lle consulta nada. Xa somos maiores de idade e queremos decidir, se fose posible sen intermediarios, mentres que esta circunstancia non se poida acadar queremos ter información e ser consultados, queremos ter capacidade de decisión.

A candidatura sinalou, tamén no seu programa:

“Queremos rematar co papel subsidiario (marxinal-residual) asignado ao PAS ate agora, entendemos que a “comunidade universitaria” é, de momento, unha entelequia e pretendemos dar valor á presenza do PAS nas institucións.”

E que:

“Os que gobernan a UDC estannos a fallar, non cumpren o seu programa electoral, marxínannos dun xeito que lembra, en moitos casos, etapas anteriores e que non queriamos repetir.”

Con arredor do 78% de participación o resultado non pode ser máis claro: