Os fontaneiros e o aforro.
Oes Marcos, Barja di que non ten cartos. Aforra cos fontaneiros?
Ben, os fontaneiros son docentes que exercen a función propia dun PAS, para ilo rebáixanlle a carga docente, o departamento xunta varias destas rebaixas de docencia e faise  a contratación dun PDI, ou varios, así que:
O fontaneiro cobra por docente, cobra o complemento propio pola fontanería e agora ten o privilexio, grazas ao aprobado recentemente en Consello de Goberno, de que lle compute para méritos. Por outra banda hai que contratar a outro docente para que o substitúa. Pódoche dicir Pepe, que non se aforra nada.
E logo, Marcos, que gaña Barja cun fontaneiro.
Un amigo, Pepe, un amigo.

Pero estes non estaban comprometidos co que prometían?
Pois xa se ve:
A precarización estendéndose a pasos axigantados (3+3, bolseiros en postos de PAS…).
Non íamos acabar coas ETT?
Non había un compromiso coa profesionalización?
Non íamos rematar cos fontaneiros?
A externalización de servizos cada día é maior. Non estabamos polos servizos públicos?.
Viven ben os mesmos que vivían ben con Meilán, as migallas cómenas outros, os que criticaban aos que as comían antes.
Esta é a Universidade que queriamos?. Eu non os votei para isto. Agora hai que botalos a vostedes.
É tristísimo ver como os que se postulan para cambiar as cousas, ao remate, se integran graciosamente na engrenaxe, pasoulles co bipartito na Xunta e pásalles habitualmente onde gobernan.
 Señor Barja. Señora Xerenta, en que se diferenza, a pequena escala, a súa xestión da de Feijoo, Esperanza Aguirre…?.

Así non
Entraron pola porta grande, apoiados polos colectivos máis sensibles ás políticas de esquerdas, os alumnos e o PAS, hoxe os alumnos cada día están máis desmobilizados e o PAS desencantado, cando non enganado.
Moitos agardaban un cambio radical, unha Universidade nova. Nin unha cousa nin outra, todo segue igual.
Cando se goberna é máis fácil mirar para a dereita que para a esquerda. Hoxe xa non precisan eses colectivos para gobernar. Os Meilanistas non precisan atopar candidato, xa o teñen, será o sr. Armesto ou outro da súa órbita que presume do seu esquerdismo, das súas calidades democráticas, de que nel/nela podemos confiar, e xa se ve.
O poder, e o soldo,  abducen, senon que llo pregunten á Xerenta.
Así non nos interesan vostedes como gobernantes de nada.