A providencia avanza "dúbidas sobre a constitucionalidade" da redacción de algúns dos artigos, por posible afectación do "contido esencial do dereito á liberdade sindical e á negociación colectiva" e reforza a vixencia dos convenios e dos acordos colectivos acadados na administración pública para o ano 2010.

A base argumental do Comité inclúe, entre outros aspectos:

• A falta de argumentación recollida no Estatuto dos Traballadores (Artigo 41) vixente nese momento, que fai referencia ás Modificacións substanciais das condicións de traballo.
• A existencia, na Universidade, de vías de financiamento que non dependen directamente das achegas da Xunta de Galicia (matrículas…).
• O órgano responsable da aprobación do orzamento universitario e responsable da súa execución é o Consello Social.
• Calquera modificación que faga referencia ao orzamento debería ser realizada e aprobada polo órgano que a aprobou en primeira instancia, non directamente desde a Xunta.
• O Convenio Colectivo aprobouse no Consello Social, en todo caso non pode modificarse por entes alleos á súa negociación.

Somos conscientes de que, en moitas administracións, os sindicatos tomaron iniciativas individuais. A decisión de efectuar a proposta de realizar a demanda tomouse por unanimidade no seo do Comité.

Agardamos unha resolución favorable.